Duniya Ki So Azeem Kitabain | Book Corner Showroom Jhelum Online Books Pakistan

DUNIYA KI SO AZEEM KITABAIN دنیا کی سو عظیم کتابیں

Inside the book
DUNIYA KI SO AZEEM KITABAIN
Inside the book

PKR:   1,500/- 1,125/-

Author: SATTAR TAHIR
Pages: 655
Year: 2021
ISBN: 978-969-662-350-2
Categories: ESSAYS ENCYCLOPEDIA
Publisher: Book Corner
★★★★★
★★★★★

’’القرآن الحکیم‘‘ سے ’’گرنتھ صاحب‘‘ تک بنی نوعِ انسان کی مذہبی رہنمائی کرنے والی کتابیں...
افلاطون کی ’’ریاست‘‘ سے کارل مارکس کی ’’داس کیپیٹل‘‘ تک انسانی فکر و فلسفے کی داستان...
ہیروڈوٹس کی ’’تواریخ‘‘ سے ابنِ خلدون کے ’’مقدّمہ‘‘ تک تاریخ کی سرگزشت...
’’کلیہ و دِمنہ‘‘ سے دانتے کی ’’ڈیوائن کامیڈی‘‘ تک داستان گوئی کے عظیم سنگِ میل...
ہومرکی ’’ایلیڈ‘‘ سے علامہ محمد اقبال کے ’’جاوید نامہ‘‘ تک دُنیا کی عظیم شعری تخلیقات...
کالی داس کی ’’شکنتلا‘‘ سے ولیم شیکسپیئر کے ’’ہیملٹ‘‘ تک عالمی ڈرامے کے فن پارے...
سروانٹیز کے ’’ڈان کیخوٹے‘‘ سے دستوئیفسکی کے’’کرامازوف برادران‘‘تک شاہکارناول ...

’’دُنیا کی سو عظیم کتابیں‘‘ ایک ایسی کتاب ہے جو آپ کے لیے علم کی بےکراں کائنات کے بھرپور مشاہدے کے لیے ایک ایسا دریچہ وا کرتی ہے جس سے آپ ہزاروں برسوں پر محیط انسانی دانش، فکر، شاعری، ادب، فلسفہ اور مذہب پر مبنی لازوال کتابوں کی دُنیا میں داخل ہو جاتے ہیں۔ یہ ایک کتاب آپ کو اَن گنت کتابوں سے بےنیاز کر کے ان کتابوں سے بھرپور انداز میں متعارف کرائے گی جنھوں نے اس دُنیا پر حکمرانی کی اور اسے بدل کر رکھ دیا۔ یہ کتاب تمام شائقینِ کتب کی لائبریریوں کے لیے ایک ناگزیر ضرورت کی حیثیت رکھتی ہے۔
اگر آپ اس تلاش میں ہیں کہ آپ کو کیا پڑھنا چاہیے،
تو یقین جانیے یہ کتاب اسی لیے لکھی گئی ہے۔


کچھ مصنف کے بارے میں:

ستار طاہر اُردو کے اہم محقق، مترجم ، مدیر ، صحافی اور ڈھائی سو سے زیادہ کتابوں کے مصنف، مؤلف اور مترجم تھے۔ ان میں سے سو کے قریب کتابیں بچوں کے لیے لکھیں۔ ستار طاہر یکم مئی 1940ء کو ضلع گورداس پور میں پیدا ہوئے۔ خاندان لائل پور منتقل ہوگیا تو بی اے تک تعلیم وہیں سے حاصل کی۔ 1959ء میں صحافت کا آغاز کیا۔ ابن فتح، س ط اور ابو عدیل جیسے مختلف قلمی ناموں سے بھی لکھا۔ ماہنامہ کتاب، ماہنامہ معلومات، ویمن ڈائجسٹ، ہفت روزہ ممتاز، سیارہ ڈائجسٹ، حکایت، اُردو ڈائجسٹ، سپوتنک، قافلہ اور قومی ڈائجسٹ میں ادارتی ذمہ داریاں انجام دیں۔ سیاسیات، ادب، فنونِ لطیفہ، عمرانیات، فلم غرض ہر موضوع پر لکھا۔ ستار طاہر جمہوریت پر پختہ ایمان رکھتے تھے۔ضیاالحق کے مارشل لا کے زمانے میں جو کچھ انہوں نے لکھا، اس کی بہت کم لوگوں کو ہمت ہوئی۔ اس پر انہیں جیل بھی جانا پڑا۔ پندرہ روزہ ’’قافلہ‘‘ کے مدیر کی حیثیت سے انھوں نے ذوالفقار علی بھٹو کی پھانسی کے خلاف کئی یادگار تحریریں لکھیں جو قافلہ کے خصوصی نمبروں کی صورت میں شائع ہوئیں۔ بعد ازاں یہ کتابی صورت میں بھی شائع ہوئیں۔ ان میں زندہ بھٹو مردہ بھٹو، سورج بکف و شب گزیدہ، اورمارشل لاء کا وائٹ پیپر خصوصیت سے قابل ذکر ہیں۔ ستار طاہر کو بعد از وفات صدرِ پاکستان نے صدارتی تمغہ حسنِ کارکردگی اور پیپلز پارٹی کی حکومت نے جمہوریت ایوارڈ دیا۔ بین الاقوامی اسلامی یونیورسٹی نے بچوں کے ادب میں کنٹری بیوشن کے اعتراف میں نشانِ اعزاز دیا۔ انھوں نے کئی فلموں کی کہانیاں بھی لکھیں جن میں ’’وعدے کی زنجیر‘‘، ’’انسان اور گدھا‘‘ اور ’’میرا نام ہے محبّت‘‘ شامل ہیں۔ ستار طاہر کی قلم کی یہ مزدوری 1993ء میں عیدالفطر کے دن تک جاری رہی۔ جب آخری سانس لیا، اس دن مارچ کی 25 تاریخ تھی۔

USER RATINGS

RATE THIS BOOK

Tell others what you think

Reviews

M

Muhammad Hamza (Bhakkar)

Nice book


M

M.USMAN (Pabbi nowshera)


U

Umair Khalid

دنیا کی سو عظیم کتابیں.
انتہائی شاندار کتاب جس عرق ریزی سے مصنف نے فہرست مرتب کرکے 100 کتابوں کی مختصراً تلخیص لکھی ہے اسی عرق ریزی سے دلکش انداز میں بک کارنر جہلم نے کتاب چھاپی ہے. یقین کیجئے کہ اس کے مطالعہ سے آپ کا ذوقِ مطالعہ مزید بڑھے گا. کسی مغربی مصنف کا قول ہے کتابیں سجانے کیلئے نہیں مطالعے کیلئے ہوتی ہیں لیکن گھر کو سجانے کیلئے بھی کتابوں سے بہتر کوئی چیز نہیں.


I

Irfan Rasool

آج ہماری "عیدی" پہنچ گئی۔
شکریہ بک کارنر۔۔۔۔
اس عید کا پیغام "گھر رہیں، محفوظ رہیں، کتابیں پڑھیں۔"


M

Mubashir Ali Zaidi (Washington D.C.)

گاڑی والا کے پاس داڑھی والا پہنچ گئی ❤️


A

Abdullah Tufail (Lahore)

لاجواب پیکنگ با کمال سروس
بک کارنر شو روم کوئی مقابل نہیں دور تک بلکہ بہت دور تک


S

Syed Manzar Abbas Naqvi (Multan)

Got my parcel today. Thanks Book Corner Jhelum


M

M Sadaqat Tahir (Islamabad)

تو دوستو، کس نے کہا تھا:یہ آخری صدی ہے کتابوں سے عشق کی، بک کارنریوں نے کتب سے عشق کی پہلے صدی کا آغاز کر دیا. جہلم کے دو بھّیے ہیں، ایک چھپاو، دوسرا نکالو. جادو گر ہیں. ان سے بچو. کھلاڑی ہیں، سارے داو پیچ جانتے ہیں. دور کیوں جائیں، اپنی ہی مثال دوں:زندگی بھر کسی حسین چہرے نے نہیں بھایا مگر اب جس کتاب کے پیچھے BC نہ لکھا ہو، خریدوا نہیں سکتی. آج ہی دنیا کی سو عظیم کتابیں پائی.


S

Sami Khan

کتابوں سے محبت کرنے والوں کے لیے بک کارنر جہلم جنت سے کم نہیں. انتہائی سلیقہ سے سجا یہ کتابوں کا ایک شہر ہے جس میں سے آپ اپنے ذوق کے مطابق تقریباً ہر قسم کی کتب حاصل کر سکتے ہیں چاہے وہ دیگر پبلشرز کی ہی کیوں نہ ہو. سرورق دیکھ کر ہی کتاب کو اپنی ذاتی لائبریری کا حصہ بنانے کو جی للچاتا ہے. گزشتہ روز بک کارنر سے خریدی گئی کتب ہیں. گگن بھائی نے محبت سے نوازا ان کے لیے دعا ہے کہ خدا مزید برکتیں دے. بجٹ چونکہ ہم مڈل کلاسیوں کا ہمیشہ مسئلہ رہتا ہے اسی لیے اس مہینہ میں اب کسی بھی نئی کتاب کی خریداری سے حتیٰ الوسع پرہیز کیا جائے گا.


Y

Yasir Hassn


RELATED BOOKS