Jaldi Kis Liyay | Book Corner Showroom Jhelum Online Books Pakistan

JALDI KIS LIYAY جلدی کس لیے

<span dir='ltr' class='left text-left'>JALDI KIS LIYAY</span> <span dir='rtl' class='right text-right'>جلدی کس لیے</span>

PKR:   900/-

Author: SAJIDA NAHEED
Year: 2018
Categories: ISLAM
Publisher: Book Corner

اللہ سبحانہ و تعالیٰ نے انسان کو مادہ و رُوح کا مرکب بنایا ہے اور اس کی دونوں قسم کی ضروریات کی تکمیل کا بھرپور سامان کیا ہے، مادی خوراک کی فراوانی کے ساتھ ساتھ اس کے لیے روحانی غذا کی بہم رسانی کا انتظام فرمایا ہے۔ آسمانی ہدایت اور وحیٔ الٰہی کے نزول کا اہم مقصد انسان کو اخلاقی فضائل سے مزین اور رذائل سے پاک کر کے رُوحانی بالیدگی عطا کرنا ہے تاکہ وہ اس خلدِ بریں کا مستحق ہو سکے جو اللہ تعالیٰ کی رضا مندی کا آخری اور اہم مظہر ہے۔ زیرِ نظر تالیف (وَعَجِلْتُ إِلَيْكَ رَبِّ لِتَرْضَیٰ) اسی سلسلے کی ایک کڑی ہے جس میں نفس کی بُری خصلتوں اور رذائل سے نجات پانے کے لیے عملی تدابیر تجویز کی گئی ہیں۔ یہ بات واضح ہے کہ اصلاحِ نفس کا کام علمی و نظری سے زیادہ عملی مشق کا تقاضا کرتا ہے، اس لیے مؤلفۂ کتاب نے عملی پہلوؤں پر زیادہ توجہ مرکوز کی ہے اور یہی چیز اس کاوش کو انفرادیت کا درجہ دلاتی ہے۔ کتاب میں تجویز کردہ عملی مشق کو بروئے کار لا کر اللہ کی توفیق ونصرت سے اصلاح و تربیتِ نفس کا کٹھن مقصد حاصل کرنے میں بڑی مدد لی جا سکتی ہے۔ میرے لیے خوشی کا مقام ہے کہ راقم کا مصنفہ ساجدہ ناہید صاحبہ سے ان کے تالیفی سفر میں اپنی بساط کے مطابق مقدور بھر علمی تعاون رہا ہے؛ گزشتہ مجموعوں کی طرح میں نے زیرِ نظر کتاب پر بھی نظر ثانی کی اور حسبِ استعداد اسے بہتر سے بہتر معیار پر لانے کی کوشش کی ہے۔ اللہ تعالیٰ سے دُعا ہے کہ سابقہ کاوشوں کی طرح فاضل مؤلفہ کی زیرِ نظر کاوش کو بھی اپنے بندوں کے لیے خیر کا ذریعہ بنائے اور اپنی بارگاہ میں اسے شرفِ قبولیت عطا کرے۔ آمین!

(ڈاکٹر عبدالحئی ابڑو)

RELATED BOOKS