JUSTAJOO KA SAFAR جستجو کا سفر
PKR: 1,200/-
Author: ZEESHAN UL HASSAN USMANI
Categories: CHARACTER BUILDING NOVEL
جستجو کا سفر ایک داستان ہے اس مسافر کی جس کے راہبر اپنی سمت بارہا تبدیل کرتے رہے. یہ کہانی ہے ایسے کردار کی جسکا مقصد خواہشوں کا حصول رہ گیا. یہ قصّہ ہے ایک غریب کا جس پر معاشرے نے ترقی کے سارے دروازے بند کردئیے. یہ سرگذشت ہے اس آشفتہ سر کی جس کے عزم کے سامنے کچھ نہ ٹھہر سکا. یہ فریاد ہے اس مفلس کی جس پر زندگی ممنوع کردی گئی. یہ کتھا ہے اس دیوانے کی جسکی دیوانگی اسے اپنے رب تک لے گئی لے گئی اور یہ دہائی ہے ایک عبداللہ کی جسے سب کچھ مل گیا سواۓ اپنے رب کے.
یہ ایک ایسی کہانی ہے جو ہم سب نے مل کر لکھی ہے. یہ روداد ہے اس پنچھی کی جو دنیا گھوم کے بھی قید تھا. یہ ایک سفرنامہ ہے اس خانہ بدوش کا جو روح کی منزل ڈھونڈتا رہا اور جو اس کے لئے بے قرار تھا جو سب کو قرار دیتا ہے.
یہ کہانی آپ کو ایسے بشر سے متعارف کروائے گی جو انسان بننا چاہتا تھا، ایک ایسا مالدار جو روز بھیک مانگتا تھا، ایک عنوان ایسے مضمون کا جو آنسوؤں سے لکھا گیا اور ایک توبہ ایسے گنہگار کی جس کے گناہ ادھورے رہ جاتے تھے
یہ کتاب اس کشمکش کا نام ہے جو ساری زندگی چلتی ہے. ایک معرکہ ہے جو سر ہو کے نہیں دیتا، ایک فتنہ ہے جو نئے روپ میں نکلتا ہے ، ایک دعا ہے جو پوری نہیں ہوتی. ایک امید ہے جو قائم ہے ، ایک آس ہے جو مرنے نہیں دیتی اور ایک چبھن ہے جو جینے سے روکتی ہے.
اپنے من کی دنیا کو آئینے میں دیکھنے کا دل چاہے تو یہ کتاب پڑھ لیں
